ون نیشن۔ون الیکشن کی ضرورت: مودی

نئی دہلی، 26 نومبر (یو این آئی) وزیر اعظم نریندر مودی نے ایک قوم ایک انتخاب کو ملک کی ضرورت قرار دیتے ہوئے آج کہا کہ مختلف وقت پر انتخابات سے اخراجات تو بڑھتے ہی ہیں ساتھ ہی ترقیاتی کام بھی متاثر ہوتے ہیں مسٹر مودی نے گجرات کے کیوڈیا میں پریسائزڈ افسران کے 80 ویں آل انڈیا کانفرنس کی اختتامی نشست سے ویڈیو کانفرنسنگ کے ذریعے خطاب کرتے ہوئے کہا،’ایک اہم موضوع ہے انتخابات کا۔ ون نیشن۔ون الیکشن صرف ایک بحث کا موضوع نہیں ہے بلکہ یہ ہندوستان کی ضرورت بھی ہے۔ ہر کچھ مہینے میں ہندوستان میں کہیں نہ کہیں بڑے الیکشن ہو رہے ہوتے ہیں۔ اس سے ترقیاتی



کاموں پر جو اثر پڑتا ہے، اس سے آپ سبھی بخوبی واقف ہیں۔ ایسے میں ون نیشن ون الیکشن پر سنجیدگی سے مطالعہ اور غور و خوض کرنا ضروی ہے‘۔

انہوں نے کہا کہ اس میں پریسائزڈ افسران رہنمائی اور پہل کر سکتے ہیں۔ اس کے لیے لوک سبھا، اسمبلی یا پھر پنچایت انتخابات‘ سب کے لیے ایک ہی ووٹر لسٹ بنائی جانی چاہیے۔ انہوں نے کہا،’اس کے لیے ہمیں سب سے پہلے راستہ بنانا ہوگا۔ آج ہر ایک کے لیے الگ الگ ووٹر لسٹ ہے، ہم کیوں خرچ کر رہے ہیں، وقت کیوں برباد کر رہے ہیں۔ اب ہر ایک کے لیے 18 سال سے اوپر تک طے ہے۔ پہلے تو عمر میں فرق تھا، اس لیے تھوڑا الگ رہا، اب کوئی ضرورت نہیں ہے‘۔