رویندر ٹھاکر کی کرسی پر میں نہیں، نہرو، راجیو بیٹھے تھے: شاہ

نئی دہلی، 9 فروری (یو این آئی) وزیر داخلہ امت شاہ نے وشو بھارتی میں رویندر ناتھ ٹھاکر کی کرسی پر بیٹھنے کے کانگریس کے الزام کی تردید کرتے ہوئے آج ایوان کو حقائق اور شواہد کے ساتھ بتایا کہ جرم کرنے کا جو الزام ان پر لگایا گیا ہے وہ جرم انہوں نے نہیں بلکہ سابق وزیراعظم جواہر لال نہرو اور راجیو گاندھی نے کیا تھا۔

مسٹر شاہ نے لوک سبھا میں کانگریس لیڈر ادھیر رنجن چودھری کے پیر کو ایوان میں ان پر وشو بھارتی یونیورسٹی میں رویندر ناتھ ٹھاکر کی کرسی پر بیٹھنے کا جو الزام لگایا تھا وہ



غلط بتایا۔ انہوں نے حقائق اور شواہد کے ساتھ ایوان کو بتایا کہ وہ اس کرسی پر نہیں بیٹھے۔ وہ اس جگہ کھڑکی پر بیتھے تھے جس جگہ پر پہلے سابق صدر پرنب مکھرجی، بنگلہ دیش کی وزیراعظم اور دیگر کئی اہم شخصیات بھی بیٹھی تھیں۔

انہوں نے کہا کہ کانگریس لیڈر نے غلط معلومات دی تھی اس لئے ایوان کی کارروائی کے ریکارڈ سے اسے ہٹایا جانا چاہیے۔ انہوں نے کہا کہ جس کرسی پر بیٹھنے کا ان پر الزام لگایا گیا ہے اس بارے مین وشو بھارتی کے چانسلر نے خط لکھ کر انہیں بتایا کہ وہ رویندر ناتھ کی کرسی پر نہیں بیٹھے تھے۔