نتیش کمار نے مودی 3.0 میں تین وزارتوں کی رکھی مانگ – ذرائع

دہلی، 6 جون (ذرائع) ملک میں ایک بار پھر این ڈی اے کی حکومت بننے جا رہی ہے۔ وزیر اعظم نریندر مودی تیسری بار وزیر اعظم کے عہدے کا حلف اٹھا سکتے ہیں۔ لوک سبھا انتخابات میں این ڈی اے کو 293 اور انڈیا الائنس کو 234 سیٹیں ملیں۔ نتیش کمار این ڈی اے کی حلیف جے ڈی یو کے لیڈر ہیں۔ انہوں نے بہار میں 12 سیٹیں جیتی ہیں۔

اس تناظر میں ان کی موجودگی این ڈی اے کے لیے بہت اہم ہے۔ جے ڈی



یو ذرائع کے حوالے سے خبر ہے کہ نتیش کمار نے تین وزارتوں کا مطالبہ کیا ہے۔بہار کو خصوصی ریاست کا درجہ دینے کے ساتھ ساتھ انہوں نے چار ممبران پارلیمنٹ کے لیے ایک وزارت کا فارمولہ حکومت کے سامنے رکھا ہے۔

دراصل، 12 ایم پی جے ڈی یو کے ہیں، اس لیے وہ 3 وزارتیں چاہتے ہیں۔ ذرائع سے موصولہ خبر کے مطابق نتیش کمار ریلوے، زراعت اور خزانہ کی وزارتیں چاہتے ہیں۔ جبکہ وزارت ریلوے ترجیح پر ہے۔