نئی تکنیکوں سے زراعت میں وسیع تر تبدیلی کی ضرورت: برلا

نئی دہلی، 7 جنوری (یو این آئی) لوک سبھا کے اسپیکر اوم برلا نے کہا کہ ہندوستان زراعت والا ملک ہے اور آنے والے وقت میں زراعت میں نہیں تکنیک اور اختراعات کے ذریعہ وسیع تر تبدیلیاں کرنے کی ضرورت ہے۔

مسٹر برلا نے انسٹی ٹیوٹ آف چارٹرڈ اکاؤنٹس آف انڈیا (آئی سی اے آئی) کے ذریعہ ’ایم ایس ایم ای کو بااختیار بنانے سے خود کفیل ہندوستان کی جانب‘ کے موضوع پر منعقد ایک پروگرام میں کہا کہ ہندوستان زراعت والا ملک ہے اور آنے والے وقت میں زراعت میں نئی تکنیک اور اختراعات کے ذریعہ وسیع تر تبدیلیاں کرنے کی ضرورت ہے۔ زراعت کے شعبے میں



آرگینک فارمنگ، فوڈ پروسیسنگ اور زرعی مصنوعات میں ویلیو ایڈیشن کے بہت امکانات ہیں۔

انہوں نے کہا کہ آئی سی اے آئی نے اپنے قیام کے 71 برسوں میں اپنی ترجیحات اور اعتبار قائم کیا ہے اور اپنی افادیت میں اضافہ کیا ہے۔ آئی سی اے آئی کی رہنمائی میں جی ایس ٹی اور ایم ایس ایم ای امدادی مراکز کھولے جارہے ہیں جو پورے ملک میں 100 سے زیادہ مقامات پر لوگوں کی رہنمائی کریں گے۔ ایم ایس ایم ای کا شعبے ملک کی معیشت کا سب سے مضبوط ستون ہے اور اس شعبے کی لاکھوں اکائیاں ملک کے لئے اقتصادی انجن کی طرح ہیں اور ان کا ملک کی معیشت میں بہر بڑا تعاون ہے۔