نائیڈو نے نوجوانوں سے مضبوط، خود کفیل، جامع ہندوستان بنانے کی اپیل کی

نئی دہلی، 3 دسمبر (یو این آئی) نائب صدر ایم وینکیا نائیڈو نے جمعرات کے روز دیہات اور قصبوں میں روزگار اور معاشی سرگرمیوں کے لئے نئے مواقع پیدا کرنے کی ضرورت پر زور دیا اور کہا کہ نوجوانوں کو مختلف معاشی اور معاشرتی امور پر نئی سوچ کے ساتھ نئے حل فراہم کرنا چاہئے مسٹڑ نائیڈو نے، ڈاکٹر شیوتانو پلئی کی کتاب "40 ایرس ود عبد الکلام - ان اولڈ اسٹوری" کا آن لائن رسم اجرا انجام دیتے ہوئے تارکین وطن مزدوروں پر کووڈ- 19 کے ہونے والے سنگین اثرات پر تبادلہ خیال کیا اور کہا کہ دیہات اور چھوٹے شہروں میں زیادہ سے زیادہ روزگار اور معاشی سرگرمی کے نئے مواقع پیدا



کئے جانے چاہیں۔ اس کے لئے بلدیاتی اداروں کی طرف سے غیر منسلک مقامی منصوبہ بندی، ان کی تربیت ، بڑی تعداد میں کاٹیج صنعتوں لگانے کی ضرورت ہوگی تاکہ ہر گاؤں اور قصبہ ترقی کے مرکز کی حیثیت سے ترقی کر سکے۔

وبائی امراض کے دوران سائنس دانوں کی اختراعات پر خوشی کا اظہار کرتے ہوئے ، نائب صدر نے کہا کہ ہندوستان ، جس میں ایک بھی پی پی ای کٹ کی پیداواری صلاحیت نہیں تھی، آج وہ دنیا کا دوسرا سب سے بڑا پی پی ای کٹ تیار کنندہ بن گیا ہے۔ انہوں نے کہا کہ اس طرح کی کامیابیوں کو معیشت کے دیگر شعبوں میں بھی نقل کرنے کی ضرورت ہے ، تب ہی "خود کفیل ہندوستان" کا خواب پورا ہوگا۔