میری دادی میرے لئے موجب محرک:راہل

نئی دہلی، 31 اکتوبر(یواین آئی)کانگریس کے سابق صدر راہل گاندھی نے سابق وزیراعظم اندراگاندھی کو ہفتہ کے روز ان کی 36 ویں برسی پر سلام کیااورانہیں اپنی زندگی کے لیے موجب محرک بتاتے ہوئے ان کا شکریہ اداکیا۔

مسٹر گاندھی نے ٹویٹ کیا،’’استو ما سدگمے، تمسو ما جیوترگمے، مرتیو ما امرتمگمے، یعنی جھوٹ سے سچائی



کی جانب۔تاریکی سے روشنی کی طرف۔موت سے زندگی کی جانب۔دادی جینے کے لیے ان الفاظ کا مطلب بتانے کے لیے شکریہ۔

اس سے قبل مسٹر گاندھی سابق وزیراعظم کی سمادھی شکتی استھل پہنچ کر انہیں گلہائے عقیدت پیش کیے۔کانگریس صدر سونیا گاندھی اور پارٹی جنرل سکریٹری پرینکا گاندھی واڈرا نے بھی سمادھی استھل پر خراج عقیدت پیش کیا۔