موسی ریور فرنٹ ڈیولپمنٹ پروجیکٹ ہندوستان کا سب سے بڑا گھوٹالہ: کے ٹی آر

حیدرآباد،30 ستمبر(ذرائع) کانگریس حکومت پر حملہ کرتے ہوئے ، بی آر ایس کے کارگزار صدر کے ٹی راما راؤ نے پیر کے روز موسیٰ ریور فرنٹ ڈیولپمنٹ پروجیکٹ کو ہندوستان کا سب سے بڑا گھوٹالہ قرار دیا، انہوں کہا کہ اسے مختلف ریاستوں میں کانگریس پارٹی کی انتخابی مہموں میں فنڈز کی فراہمی کے لیے ڈیزائن کیا گیا تھا۔

 اس بات کی نشاندہی کرتے ہوئے کہ چیف



منسٹر اے ریونت ریڈی ندیوں کی خوبصورتی کی آڑ میں 1.5 لاکھ کروڑ روپئے کے بڑے اسکینڈل کو ترتیب دے رہے ہیں، انہوں نے خبردار  کیا کہ اس پروجیکٹ کا اصل مقصد کانگریس پارٹی کی اسمبلی انتخابی مہموں کو فنڈ فراہم کرنا ہے۔ راما راؤ نے حکومت کو خبردار کیا کہ وہ بغیر کسی تفصیلی پروجیکٹ رپورٹ (ڈی پی آر) کے یا متاثرہ خاندانوں سے مشاورت کیے بغیر مسماری کے عمل کو آگے بڑھائی۔