وقف ترمیمی بل کے خلاف کل ہند قومی تنظیم کی طرف سے رکن پارلیمنٹ طارق انور نے جے پی سی کومیمورنڈم سونپا

چودہ صفحات پر مشتمل اپنے میمورنڈم میں انہوں نے وقف ترمیمی بل پر اعتراض کے ساتھ کچھ تجاویز پیش کی ہیں۔ انہوں نے کہا کہ یہ وقف ترمیمی بل مسلمانوں سے وقف



جائداد غصب کرنے کی محض ایک کوشش ہے۔ انہوں نے کہا کہ حکومت کی نیت ٹھیک نہیں ہے اور نہ ہی وہ اس ترمیمی بل کے ذریعہ وقف جائداد کا تحفظ چاہتی ہے۔ اگر وہ سچ سچ میں وقف جائداد کا تحفظ چاہتی تو سب سے پہلے وقف جائدادوں کے اسٹیک ہولڈر بات کرتی۔ ان کے مسائل کو سنتی، تحفظ کے سلسلے میں درپیش مشکلات معلوم کرتی، قابضین کے بارے میں تبادلہ خیال کرتی لیکن ایسا کچھ بھی نہیں کیا گیا اور بغیر کسی مشورے وقف ترمیمی بل پارلیمنٹ میں پیش کر دیا گیا۔