وزیر اعظم مودی کی اعلیٰ سطحی گروپ کو ملک کی ترجیحات پر توجہ دینے کی ہدایت

نئی دہلی/اقوام متحدہ ، 31 اگست (یو این آئی) وزیر اعظم نریندر مودی نے وزیر خارجہ ایس جے شنکر ، قومی سلامتی کے مشیر اجیت ڈووال اور سینئر افسران کے ایک اعلیٰ سطحی گروپ سے کہا ہے کہ وہ افغانستان کی موجودہ صورتحال اور بدلتی ہوئی پیش رفت پر دھیان دینے اورملک کی فوری ترجیحات پر توجہ مرتکز کرنے کی ہدایات دیں یہ اطلاع ذرائع نے منگل کو دی۔

ذرائع کے مطابق اعلیٰ سطحی گروپ



گزشتہ کچھ دنوں سے باقاعدگی سے میٹنگ کر رہا ہے۔انہوں نے کہا کہ پھنسے ہوئے ہندوستانیوں کی محفوظ واپسی اورافغان شہریوں (خاص طور پر اقلیتوں) کے ہندوستان میں سفر سے متعلق امور کو ترجیح دی گئی ہے۔

انہوں نے کہا کہ یہ گروپ افغانستان کی زمینی صورتحال اور بین الاقوامی ردعمل پر بھی نظر رکھے ہوئے ہے ، بشمول اقوام متحدہ کی سلامتی کونسل کی آج صبح منظور کی گئی قرارداد بھی اس میں شامل ہے۔