مودی ہفتہ کو اٹل سرنگ کا افتتاح کریں گے

نئی دہلی، یکم اکتوبر (یو این آئِی) وزیر اعظم نریندر مودی ہماچل پردیش میں منالی کو لاہول اسپیتی وادی سے جوڑنے والی اسٹریٹجک اور معاشرتی اور معاشی اہمیت کی اٹل سرنگ کا افتتاح کریں گے۔

نو کلو میٹر سے زیادہ لمبی یہ سرنگ، دنیا کی سب سے لمبی شاہراہ سرنگ ہے اور یہ ہر طرح کے موسم میں بھی کھلی رہے گی جس سے برف باری کی وجہ سے لاہول اسپیتی ویلی باقی ملک سے منقطع نہیں رے گی ۔ اس سے قبل کم و بیش چھ ماہ تک برف باری کے سبب یہ وادی باقی ملک سے الگ تھلگ پڑ جاتی تھی۔ سرنگ کے افتتاح کے بعد مسٹر مودی وہاں موجود لوگوں سے بھی خطاب کریں گے۔

ہمالیہ میں پیر پنجال کی چوٹی پر تعمیر کردہ 9.2 کلومیٹر لمبی سرنگ سطح سمندر سے 10 ہزار فٹ کی بلندی پر ہے اور اس



کی تعمیر سے منالی اور لیہ کے درمیان فاصلہ 46 کلومیٹر کم ہوجائے گا اور اس سفر میں آنے والے وقت میں 4 ،5 گھنٹے کی کمی ہوگی۔

اٹل سرنگ کا جنوبی دروازہ منالی سے 25 کلومیٹردور 3060 کی اونچائی پر ہے جبکہ شمالی دروازہ وادی لاہول کے تیلنگ سیسو گاؤں کے قریب 3071 فٹ کی بلندی پر ہے۔ گھوڑوں کی نعل کی شکل کی یہ سرنگ دو لین کی ہے اور اس کی چوڑائی 8 میٹر اور اونچائی 5.25 میٹر ہے۔ سیکیورٹی اور آگ جیسے ہنگامی واقعات کو مدنظر ، اس کے تحت حادثاتی انخلا کے لئے اس کے نیچے ایک پتلی سرنگ بھی تعمیر کی گئی ہے۔

اس سرنگ سے 3000 کاریں اور 1500 ٹرک روزانہ 80 کلومیٹر کی رفتار سے آسکیں گے۔ سرنگ میں آگ بجھانے ، لائٹنگ اور نگرانی کے لئے وسیع انتظامات کیے گئے ہیں۔