مودی کیوڑیا کے لیے آٹھ ٹرینوں کو ہری جھنڈی دکھائیں گے

نئی دہلی، 15 جنوری (یو این آئی) وزیراعلیٰ نریندر مودی ملک کے مختلف حصوں سے گجرات کے کیوڑیا جانے والی آٹھ ٹرینوں کو ویڈیو کانفرنس کے ذریعے ہری جھنڈی دکھا کر روانہ کریں گے۔

یہ ٹرین کیوڑیا واقع سردار ولبھ بھائی پٹیل کی ’اسٹیچو آف یونٹی‘ تک سیاحوں کے حسین سفر کے لیے چلائی جا رہی ہے۔ اس موقع پر وزیراعلیٰ گجرات میں ریلوے سیکٹر



سے متعلق کئی دیگر پروجیکٹس کا بھی افتتاح کریں گے۔ گجرات کے وزیراعلیٰ اور مرکزی وزیر ریل بھی اس پروگرام میں موجود ہوں گے۔

ان پروجیکٹس میں دابھوئی-چندوڑ برانڈ گیج لائن، چندوڑ-کیوڑیا نئی براڈ گیج لائن، پرتاپ نگر-کیوڑیا بجلی لائن بطور اہم شامل ہیں۔ علاوہ ازیں دابھوئی، چندوڑ اور کیوڑیا میں نئے اسٹیشن عمارتوں کا بھی افتتاح کیا جائے گا۔