مودی نے جاپان کے نئے وزیراعظم کو مبارکباد دی

نئی دہلی، 4 اکتوبر (یو این آئی) وزیراعظم نریندرمودی جاپان کے نئے وزیراعظم منتخب ہونے پر آج مسٹر فومیو کیشیدا کو مبارکباد دی مسٹر مودی نے ٹوئٹر پر اپنے پیغام میں کہا کہ جاپان کے نئے وزیراعظم فومیو کیشیدا کو مبارکباد اور نیک خواہشات میں ان کے ساتھ ہندستان اور جاپان کی خصوصی اسٹریٹجک اور عالمی شراکت داری کو مزید مضبوط کرنے اور علاقہ میں اور اس کے آگے بھی امن اور خوشحالی بڑھانے کے لئے کام کرنے کا خواہش مند ہوں



جاپان کی حکمراں لبرل ڈیموکریٹک پارٹی (ایل ڈی پی) کی طرف سے گزشتہ اپنا نیا لیڈر منتخب کئے جانے کے بعد مسٹر کیشیدا کو جاپانی پارلیمنٹ میں باضابطہ طورپر ایل ڈی پی پارلیمانی پارٹی کا رہنما منتخب کیا گیا ہے۔ انہوں نے مسٹر یوشی ہیدو کی جگہ لی ہے۔

موجودہ وزیراعظم یوشی ہیدو سوگا نے ستمبر کی شروعات میں ایل ڈی پی کے سربراہ کا عہدہ چھوڑنے کا اعلان کیا تھا۔ اس طرح سے یہ ان کے حکومت کے سربراہ کے عہدہ سے بھی استعفی کا اعلان تھا۔