مودی اور سونیا گاندھی کا اشونی چوپڑہ کے انتقال پر رنج کا اظہار

نئی دہلی، 18 جنوری (یو این آئی) وزیراعظم نریندر مودی نے پنجاب کیسری کے ایڈیٹر اور سابق رکن پارلیمنٹ اشونی چوپڑہ کے انتقال پر گہرے رنج کا اظہار کیا ہے۔

مسٹر مودی نے اپنے تعزیتی پیغام میں کہا کہ مسٹر چوپڑہ کے انتقال کی خبر سے انہیں کافی رنج ہوا ہے۔

میڈیا کے لئے ان کے تعاون کو ہمیشہ یاد رکھا جائے گا۔

کانگریس صدر سونیا گاندھی نے پنجاب کیسری کے مالک اور ایڈیٹر اشونی



چوپڑا کے انتقال پر گہرے دکھ کا اظہار کیا ہے۔

محترمہ گاندھی نے اپنے تعزیتی پیغام میں کہا کہ ’’مسٹر چوپڑا نے ایک سماجی کارکن اور ایڈیٹر کے طور پر اہم کردار ادا کیا۔ وہ رکن پارلیمنٹ کے طور پر بھی یاد کئے جائیں گے۔ ان کی دوستی سیاسی دائروں سے بالا تھی اور مختلف مسائل پر ان کے نقطہ نظر واضح تھا اور وہ مخالفت سے گھبراتے نہیں تھے۔ میں ان کے خاندان کے تئیں اپنی دلی تعزیت ظاہر کرتی ہوں‘‘۔