اراکین پارلیمنٹ ایوان کی حدود کے مطابق برتاؤ کریں: برلا

نئی دہلی، 13 فروری (یواین آئی) لوک سبھا کے اسپیکر اوم برلا نے پارلیمنٹ کے بجٹ اجلاس میں ایوان کی کارروائی کو باآسانی چلانے میں تعاون کرنے پر سبھی پارٹیوں کے تمام ممبروں اور رہنماؤں کا شکریہ ادا کیا ہے اور توقع کی ہے کہ ایوان میں سخت بحث و مباحثے سے قطع نظر اخلاق کی حدود کا خیال رکھا جائے گا۔

مسٹر برلا نے بجٹ اجلاس کے پہلے مرحلے کے آخری دن ہفتے کے روز پارلیمنٹ ہاؤس میں اپنے دفتر میں صحافیوں کے ساتھ ایک ملاقات میں کہا ، ’’ایوان میں گفتگو اور بات چیت سے وقار اور معیار میں اضافہ ہوتا ہے۔ ممبران سے



توقع کی جاتی ہے کہ وہ دنیا بھر میں ایوان کی ساکھ کو مدنظر رکھتے ہوئے ایوان کے وقار کے مطابق سلوک کریں۔ بعض اوقات پارلیمنٹ میں بحثیں تیز ہوجاتی ہیں لیکن بات چیت میں یہ سب ختم ہوجاتا ہے۔ ہماری کوشش ہے کہ ایوان میں اعلی سطح پر بات چیت اور گفتگو ہو۔ ‘‘

اسپیکر سے پوچھا گیا کہ اس مختصر اجلاس میں استحقاق کی خلاف ورزی کے چار نوٹس موصول ہوئے ہیں ،جن میں کانگریس کے سابق صدر راہل گاندھی اور ترنمول کانگریس کی مہوا موئترا کے خلاف نوٹس شامل ہیں ،ایسے میں ایوان کے وقار کو برقرار رکھنے کے لئے وہ کیا اقدامات کریں گے ۔