میگا آئیکن سیزن 2 میں دیپیکا پڈوکون، رتن ٹاٹا سمیت مشہور شخصیات کی کہانیاں ہوں گی

نئی دہلی،11 ستمبر (یو این آئی) کروڑوں افراد میں سے آخر کیوں صرف چند گنے چنے لوگ ہی عام سطح سے اوپر اٹھ کر منفرد مثالی شخصیات اور میگا آئیکن بن پاتے ہيں؟ ایسی مشہور شخصیات کی ان خوبیوں کے بارے میں کے میگا آئیکن کے کامیاب پہلے سیزن میں سچائیاں اجاگر کی گئی تھیں۔ اس سیزن میں وراٹ کوہلی اور اے پی جے عبدالکلام جیسے متعدد مشہور شخصیات کی کہانیاں شامل کی گئي تھیں۔ اس کامیابی کی بنیاد پر نیشنل جیوگرافک میگا آئکن کے دوسرے سیزن کے ساتھ اپنی شاندار کہانی کی روایت پھر سے دوہرانے جارہا ہے۔

'میگا آئيکن' سیزن 2 کا پریمیئر 20 ستمبر کو ہونے والا ہے۔



یہ بالی ووڈ کی اداکارہ دیپیکا پڈوکون، صنعتکار رتن ٹاٹا، فلمی شخصیت اے آر رحمان اور کلپنا چاولا جیشی مشہور شخصیات کی کامیاب زندگی کے سفر کی کہانیوں پر مبنی ہے۔

اس سیریز کے بارے میں گفتگو کرتے ہوئے ٹاٹا ٹرسٹ کے چیئرمین اور ٹاٹا سنز کے چیئرمین ایمریٹس رتن ٹاٹا نے کہا کہ "میں نیشنل جیوگرافک کی فطرت، سائنس، ثقافت اور تاریخ سمیت ہر چیز کی مستند حقیقت پسندانہ پیشکش کا مداح رہا ہوں۔ مجھے خوشی ہے کہ میں اس کی آئندہ سیریز کا حصہ ہوں"۔

میگا آئیکن سیزن 2 کا پریمیئر 20 ستمبر 2020 کو نیشنل جیوگرافک چینل پر ہوگا اور ڈزنی اور ہاٹ اسٹار پر دستیاب ہوگا۔