بحری اور اسٹریٹجک سیکورٹی کے شعبوں میں تعاون کرنا چاہئے: مودی

نیپائدا، 06 ستمبر (ایجنسی) وزیر اعظم نریندر مودي نے آج کہا کہ پڑوسی ہونے کے ناطے سکیورٹی کے شعبہ میں ہندستان اور میانمار کے سامنے ایک جیسے چیلنجز ہیں اور اسے دیکھتے ہوئے بحری اور اسٹریٹجک شعبوں میں تعاون کو مزید مضبوط کئے جانے کی ضرورت ہے۔
مسٹر مودی نے میانمار کی رہنما



(کونسلر) آنگ سان سوچی کی موجودگی میں اپنی تقریر میں کہا کہ ضروری ہے کہ ہم اپنی طویل بری اور بحری حدودمیں امن و استحکام قائم رکھنے کے لئے مل کر کام کریں۔
مسٹر مودی نے یہ بھی کہا کہ ہندستان کی مختلف جیلوں میں بند میانمار کے 40 قیدیوں کو جلد ہی رہا کیا جائے گا اور میانمار کے جو شہری ہندستان آنا چاہتے ہیں انہیں حکومت ہند فیس کے بغیر ویزا فراہم کریگی۔