مہاراشٹر: کورونا کے کیسز دگنے، آدھے سے زیادہ ممبئی میں

ممبئی، 17 اگسٹ (ذرائع) مہاراشٹر میں کورونا کیسز اپ ڈیٹس: مہاراشٹر پر ایک بار پھر کورونا کا خوف منڈلا رہا ہے۔ چہارشنبہ کو ریاست میں کورونا وائرس کے 1800 نئے کیسز درج کیے گئے، جن میں سے آدھے سے زیادہ کیسز ممبئی شہر سے ہیں۔ محکمہ صحت کے مطابق ریاست میں گزشتہ 24 گھنٹوں میں کورونا انفیکشن کی



وجہ سے 6 افراد اپنی جان سے ہاتھ دھو بیٹھے ہیں۔ محکمہ صحت کے بلیٹن کے مطابق، ان تازہ کیسوں کے ساتھ، ریاست میں کویڈ-19 کے کل کیسز کی تعداد بڑھ کر 80,76,165 ہو گئی ہے، جب کہ ریاست میں اب تک انفیکشن کی وجہ سے 1,48,180 لوگوں کی موت ہو چکی ہے۔ منگل کو ریاست میں 836 کیس درج ہوئے اور دو لوگوں کی کورونا کی وجہ سے موت ہو گئی۔