مہاراشٹرا حکومت نے ممبئی ایلیفنٹا کشتی حادثے کی مکمل جانچ کا اعلان کیا

ناگپور، 19 دسمبر (یو این آئی) مہاراشٹر حکومت نے جمعرات کو ممبئی ایلیفنٹا کشتی حادثے کی تفصیلی جانچ کا اعلان کیا اس حادثے میں 13 افراد ہلاک ہوئے تھے جبکہ 101 مسافرین کو بحفاظت بچا لیا گیا تھا وزیر اعلیٰ دیویندر فڑنویس نے ٹوئیٹر پر جاری کئے گئے اپنے ایک



پیغام میں کہا کہ ممبئی کے قریب بحیرہ عرب میں نیل کمل کمپنی کی مسافر کشتی کا حادثہ انتہائی المناک اور بدقسمت ہے  مرنے والوں کے لواحقین کو چیف منسٹر ریلیف فنڈ سے 5 لاکھ روپے کی مالی امداد دی جائے گی جبکہ بحریہ اور ریاستی حکومت دونوں اس کی تفصیلی انکوائری شروع کریں گے۔