اپوزیشن کے ہنگامے کے باعث لوک سبھا کی کارروائی دو پہر 12 بجے تک ملتوی

نئی دہلی ، 04 دسمبر (یو این آئی) بہو جن سماج پارٹی کے کنور دانش علی کے ذریعہ گزشتہ اجلاس میں توہین کا معاملہ اٹھانے کی کوشش کے دوران اپوزیشن اراکین کے ہنگامہ کے سبب لوک سبھا کی کارروائی اس دو پہر 12 بجے تک ملتوی کر دی گئی۔ لوک سبھا کے اسپیکر اوم بر لانے ایوان کے جمع ہوتے ہی مرحوم سابق ممبران پارلیمنٹ کو خراج عقیدت پیش کیا۔ اس کے بعد گلے میں پلے کارڈ لے کر آئے کنور دانش علی نے کہا کہ گزشتہ اجلاس میں ایوان میں ان کے ساتھ بد سلوکی کی



گئی اور اس معاملے میں کوئی کارروائی نہیں کی گئی۔ انہوں نے اسپیکر سے اس معاملے میں کارروائی کا مطالبہ کیا۔ اس دوران اپوزیشن کے دیگر رہنما بھی کھڑے ہو گئے اور ہنگامہ آرائی شروع کر دی۔

لوک سبھا اسپیکر نے کنور دانش علی سے کہا کہ ایوان کے اندر اس قسم کارویہ درست نہیں ہے۔ اسپیکر نے تمام ارکان پر زور دیا کہ اس ایوان کے اندر پلے کارڈز لگانے کی اجازت نہیں دی جائے گی۔ اپوزیشن کا ہنگامہ جاری رہنے پر ایوان کی کارروائی دو پہر 12 بجے تک ملتوی کر دی گئی۔