زبانوں کے تحفظ کے ذریعہ ہی ثقافت اور روایات کا تحفظ ممکن: نائیڈو

نئی دہلی، 3 جولائی (یواین آئی) نائب صدر ایم ونکیا نائیڈو نے ہفتہ کے روز خطرے سے دوچار ہندوستانی زبانوں پر تشویش کا اظہار کیا اور کہا کہ ان کے تحفظ کے لئے ٹھوس اقدامات اور ٹھوس کوششیں کی جانی چاہئیں۔

سنگاپور میں سماجی تنظیم شری کلچرل کلا سارتھی کی پہلی سالگرہ کے پروگرام سے ورچوئل خطاب کرتے ہوئے مسٹر نائیڈو نے کہا کہ ہماری ثقافتی روایات کے تحفظ کے لئے اپنی زبانوں کا تحفظ ضروری ہے۔ زبان کسی بھی ثقافت



کی زندگی ہوتی ہے۔

انہوں نے کہا کہ جہاں زبان ثقافت کو تقویت دیتی ہے ،وہیں ثقافت معاشرے کو تقویت دیتی ہے۔دنیا میں ہر دو ہفتوں میں ایک زبان کے ناپید ہونے کے بارے میں اقوام متحدہ کی رپورٹ کے حوالہ سے مسٹر نائیڈو نے کہا کہ اس وقت 196 ہندوستانی زبانیں خطرہ میں ہیں۔

نائب صدر نے اس صورتحال کو تبدیل کرنے کے لئے ٹھوس کاروائی کا مطالبہ کیا اور امید کی کہ تمام ہندوستانی اپنی اپنی زبانیں محفوظ کرنے کے لئے متحدہوں۔