کنگ سلمان سینٹر کی ٹیم کا بنگلہ دیش میں روہنگیا پناہ گزیں کیمپوں کا دورہ

ریاض/26ستمبر(ایجنسی) سعودی عرب میں کنگ سلمان ہیومینٹیرین ایڈ اینڈ ریلیف سینٹر نے اعلان کیا ہے کہ ان کے مرکز کی ایک ٹیم نے بنگلہ دیش میں روہنگیا آبادی کے پناہ گزین کیمپوں کا دورہ کیا ہے۔ یہ دورہ بنگلہ دیشی سرکاری اداروں اور ہجرت کی بین الاقوامی تنظیم آئی ایم او کے ساتھ رابطہ کاری کے ذریعے عمل میں



آیا۔

مقامی میڈیا کے مطابق مرکز کی ٹیم نے جو اس وقت کاکس بازار شہر میں موجود ہے پناہ گزینوں کے لیے بنیادی ضروریات کا جائزہ لیا تا کہ مطلوبہ امداد کو بین الاقوامی معیار کے مطابق جلد از جلد فراہم کیا جا سکے۔ یہ اقدام میانمار کے پڑوسی ممالک میں روہنگیا پناہ گزینوں کو امداد تقسیم کرنے کے حوالے سے خادم حرمین شریفین شاہ سلمان بن عبدالعزیز کی خصوصی ہدایات پر عمل درامد کے سلسلے کا حصہ ہے۔