کھڑگے نے پارٹی کی مہاراشٹر یونٹ کے ساتھ میٹنگ کی

پارٹی ہیڈ کوارٹر میں ہوئی میٹنگ میں کانگریس کے سابق صدر راہل گاندھی بھی موجود تھے۔ ذرائع کے مطابق میٹنگ کے دوران مسٹر کھڑگے نے مہاراشٹر میں پارٹی کو مضبوط بنانے اور ریاست میں حالیہ سیاسی پیش رفت پر تبادلہ خیال کیا۔ انہوں نے کہا کہ 'بی جے پی نے اپنی 'واشنگ مشین کا استعمال



کرکے مہاراشٹر کی عزت نفس کو ٹھیس پہنچانے کا کام کیا ہے۔ کانگریس اس سیاسی دھوکہ دہی کا منہ توڑ جواب دے گی۔ ہم مہاراشٹر اور کانگریس کے شاندار رشتے کو مزید مضبوط کریں گے۔

دریں اثناء مسٹر گاندھی نے ایک سوشل میڈیا پوسٹ میں لکھا کہ آج کانگریس صدر ملکار جن کھڑگے جی کی قیادت میں مہاراشٹر کا نگریس کے رہنماؤں کے ساتھ ایک میٹنگ ہوئی۔ مہاراشٹر کا نگر یس کا گڑھ ہے اور ہماری توجہ عوام کی آواز کے ساتھ پارٹی کو مضبوط کرنے پر مرکوز ہے۔