کیجریوال نے دس نکاتی پنجاب ماڈل کیا پیش

موہالی، 12 جنوری (یو این آئی) دہلی کے وزیر اعلی اروند کیجریوال نے آج پنجاب کے دورے کے پہلے دن 10 نکاتی پنجاب ماڈل پیش کرتے ہوئے کہا کہ عام آدمی پارٹی پنجاب کو ایک خوشحال اور سنہرا پنجاب بنانے کے لیے پرعزم ہے جس کا اہم ایجنڈا روزگار رہے گا مسٹر کیجریوال نے آج یہاں نامہ نگاروں سے بات کرتے ہوئے کہا کہ آپ روزگار کو سب



سے زیادہ اہمیت دے گی کیونکہ پنجاب کے نوجوان روزگار کی کمی کی وجہ سے بیرون ملک ہجرت کر چکے ہیں اور کر رہے ہیں۔ ریاست کی نوجوان طاقت کو باہر جانے سے روکنے اور جو لوگ چلے گئے ہیں ان کو واپس لانے کے لیے روزگار ایک اہم معاملہ ہوگا۔ الیکشن جیتنے کے بعد پنجاب میں ہی روزگار کے مواقع فراہم کرائیں گے تاکہ نوجوان باہر نہ جائیں۔