کیجریوال نے کورونا کے بڑھتے معاملات اور آکسیجن کی کمی پر تشویش کا اظہارکیا

نئی دہلی 17 اپریل (یواین آئی) دہلی کے وزیراعلیٰ اروندکیجریوال نے دہلی میں تیزی سے بڑھتے معاملے کے پیش نظر شدید تشویش کا اظہارکرتے ہوئے کہا کہ وہ شب وروز محنت کرکے زیادہ سے زیادہ طبی سہولیات کا انتظام کررہے ہیں، تاکہ کورونا سے ایک قدم آگے رہیں۔

مسٹر کیجریوال نے آج یہاں صحافیوں سے کہا کہ دہلی میں اگلے دوسے چار دنوں کے اندرتقریباً چھ ہزاربیڈ مزید بڑھادیئے جائیں گے، کورونا کے کیسز میں تیزی سے اضافہ کے سبب دہلی میں آکسیجن، ریمڈیسور کی کمی ہوتی جارہی



ہے۔

افسران کو ہدات دی گئی ہے کہ ریمڈسور کی ذخیرہ اندوزی اوربلیک مارکیٹنگ کرنے والوں کے خلاف سخت کارروائی کی جائے۔ صلاحیت سے زیادہ سیمپل اٹھانے اور24 گھنٹے میں رپورٹ نہ دینے والے لیبز کے خلاف سخت کارروائی کی جائے گی، ساتھ ہی کورونا ایپ پر غلط معلومات دینے اور دستیاب ہونے کے باوجود بستر نہ دینے والے اسپتالوں کے خلاف بھی اب سخت کارروائی ہوگی۔ انہوں نے کہا کہ اگرکورونا کی صورت حال مزید سنگین ہوتی ہے، تو دہلی والوں کی حفاظت اورزندگی بچانے کے لئے ہم اوربھی سخت قدم اٹھائیں گے۔