کے سی آر ایک بار پھر تلنگانہ کے وزیراعلیٰ بنیں گے : اویسی

حیدرآباد، 9 اکتوبر (پی ٹی آئی) اے آئی ایم آئی ایم کے سربراہ اسد الدین اویسی نے پیر کو امید ظاہر کی کہ کے چندر شیکھر راؤ ایک بار پھر تلنگانہ میں چیف منسٹر بنیں گے، اور 30 نومبر کو ہونے والے اسمبلی انتخابات کے بعد وہ جیت کی ہیٹ ٹرک بنائیں گے۔

الیکشن کمیشن کی جانب سے تلنگانہ سمیت پانچ ریاستوں کے انتخابات کے شیڈول کا اعلان کرنے کے بعد میڈیا سے بات کرتے ہوئے اویسی نے کہا کہ ان کی اے آئی ایم آئی



ایم پہلی بار راجستھان میں انتخابات میں حصہ لے گی۔

’ہمیں امید ہے کہ انشاء اللہ ، کے سی آر دوبارہ تلنگانہ کے چیف منسٹر بنیں گے۔ ہماری پارٹی کے ایم ایل ایز بھی کامیاب ہوں گے جس حلقے سے بھی وہ مقابلہ کریں گے، انہوں نے کہا، تلنگانہ میں ترقی نظر آرہی ہے۔

حیدرآباد لوک سبھا ایم پی نے کہا کہ ان کی پارٹی راجستھان میں پہلے ہی تین امیدواروں کا اعلان کر چکی ہے اور جلد ہی تلنگانہ میں امیدواروں کا اعلان کرے گی۔