اسمبلی اجلاس میں کے سی آر کے شرکت کرنے کا امکان

حیدرآباد، 22 جولائی (اعتماد) قائد حزب اختلاف اور بی آر ایس سربراہ کے چندر شیکھر راؤ کے منگل سے شروع ہونے والے تلنگانہ قانون ساز اسمبلی کے آئندہ بجٹ اجلاس میں شرکت کرنے کا امکان ہے۔

گزشتہ سال دسمبر میں انتخابی دھچکے کے بعد چیف منسٹر کا عہدہ چھوڑنے کے بعد یہ پہلا موقع ہوگا جب وہ اپوزیشن لیڈر کے طور پر اسمبلی اجلاس میں شریک ہوں گے۔ یاد دلادیں کہ چندر شیکھر راؤ نے کولہے کی سرجری کروائی تھی اور اس سال



فروری میں منعقدہ پچھلے سیشن میں شرکت نہیں کر سکے تھے۔

بی آر ایس ذرائع نے بتایا کہ وہ منگل کو دوپہر ایک بجے تلنگانہ بھون میں منعقد ہونے والے بی آر ایس قانون ساز پارٹی کے اجلاس کی صدارت کریں گے اور پارٹی ایم ایل ایز کے ساتھ اسمبلی میں اپنائی جانے والی حکمت عملیوں پر تبادلہ خیال کریں گے۔

تاہم، سینئر بی آر ایس لیڈر اور سابق وزیر ٹی ہریش راؤ نے سابق چیف منسٹر کی اسمبلی میں حاضری کے بارے میں کوئی وضاحت نہیں کی۔