کرناٹک حکومت کورونا سے متاثر تین ضلعوں پر توجہ مرکوز کرے: مودی

بینگلورو،17 مارچ (یواین آئی) وزیراعظم نریندرمودی نے بدھ کو کہا کہ کرناٹک حکومت ریاست میں کورونا وائرس (کووڈ19) وبا کی دوسری لہر سے بری طرح متاثر تین ضلعوں بنگلورو شہر،کلابرگی اور بیدر میں وبا کی روک تھام کےلئے توجہ مرکوز کرے۔

مسٹر مودی نے مختلف ریاستوں کے وزرائے اعلی کے ساتھ ویڈیو کانفرنس میں ریاستی حکومت کو



ٹیسٹ بڑھانے اور ٹیکہ کاری مہم تیز کرنے کی ہدایت دی۔

وزیراعلی بی ایس یدورپا نے اس دران بتایا کہ پچھلے تین دنوں میں بینگلورو میں 1.65 فیصد کے پازیٹو معاملے سامنے آئے ہیں۔

انہوں نے کہا کہ مسٹر مودی ریاستی حکومت کو دی گئی ہدایات کے مطابق سبھی مقامات پر خصوصی طورپر عوامی تقریبات میں کووڈ 19 اصولوں کو سختی سے نافذ کیا جائےگا۔