جے پی نڈا نے جیٹلی کو یاد کیا

نئی دہلی ، 28 دسمبر ( یواین آئی) بھارتیہ جنتا پارٹی (بی جے پی) کے صدر جگت پرکاش نڈا نے سابق وزیر خزانہ آنجہانی ارون جیٹلی کو ان کی یوم پیدائش پر خراج عقیدت پیش کیا ہے۔

پیر کے روز نڈا نے ٹوئٹ کیا ’’محترم وزیر اعظم نریندر مودی جی کے نئے ہندوستان کے خواب کو تعبیر دینے میں اہم رول ادا کرنے والے



سابق وزیر خزانہ اور بی جے پی کے سابق لیڈر آنجہانی ارون جیٹلی کی جینتی پر خرج عقیدت۔ وہ ایک بہترین مقرر اور پالیسی ساز کے طورپریاد رہیں گے۔‘‘

ارون جیٹلی 28 دسمبر 1952 کو پیدا ہوئے تھے۔ طویل علالت کے بعد 24 اگست 2019 کو ان کا انتقال ہوگیاتھا ۔ جیٹلی وزیر خزانہ ، وزیر دفاع سمیت بہت سے اہم عہدوں پر فائز رہے۔