عبداللہ کی رہائی کےلیے وائیکو نے دائر کی حبس بیجا کی عذر داری

نئی دہلی ،11ستمبر(یواین آئی)ایم ڈی ایم کے کے سربراہ اور راجیہ سبھا کے رکن وائیکونے نیشنل کانفرنس کے سربراہ اورجموں کشمیر کے سابق وزیراعلی فاروق عبداللہ کو رہاکرنے کے لیے سپریم کورٹ میں حبس بے جا کی عذرداری دائر کی ہے ۔

وائیکو نے اپنی عرضی میں دعوی کیاہے کہ مسٹر عبداللہ کو15ستمبر کو تمل ناڈو کے سابق وزیراعلی سی این انا دورئی کے یوم پیدائش کی تقریب میں شامل ہونا تھا ،لیکن گزشتہ پانچ اگست سے ہی ان سے رابطہ



نہیں ہوپارہا ہے ۔

انھوں نے مسٹر عبداللہ کو اصالتا عدالت میں پیش کرنے کی مرکز کو ہدایت دینےکی عدالت سے درخواست کی ہے ۔

مسٹروائیکونے کہاہے کہ مسٹر عبداللہ کو حراست میں رکھاگیاہے ،مرکزی حکومت انھیں رہاکرے تاکہ وہ پروگرام میں شرکت کرسکیں ۔

واضح رہے کہ جموں کشمیر کو خصوصی درجہ دینے والے آئین کی دفعہ 370کو ختم کرنے کے بعد سے وہاں اہم پارٹیوں کے لیڈروں کو نظربند رکھاگیاہے ،ان میں مسٹر عبداللہ بھی شامل ہیں ۔