مرکزی بجٹ میں تلنگانہ سے ناانصافی:سرینواس یادو

حیدرآباد3 فروری(یواین آئی) تلنگانہ کی حکمران جماعت ٹی آرایس کی طلبہ تنظیم ٹی آرایس وی کے صدرسرینواس یادو نے الزام لگایا ہے کہ مرکزی حکومت کے بجٹ میں تلنگانہ کے شعبہ تعلیم کے ساتھ ساتھ دیگر شعبہ جات کو فنڈس کی منظوری میں ناانصافی کی ہے۔

انہوں نے میڈیا سے بات کرتے ہوئے کہا کہ شہر حیدرآباد کی عثمانیہ یونیورسٹی کے



طلبا نے اس مسئلہ پر ناراضگی کااظہار کرتے ہوئے کیمپس میں وزیراعظم مودی کا پتلا نذرآتش کرنے کی کوشش کی تاہم پولیس نے اس کوشش کو ناکام بنادیا۔

انہوں نے کہاکہ مرکز نے تلنگانہ کے نئے اضلاع میں نوودیا اسکولس کے قیام کے لیے فنڈز مختص نہیں کیے ہیں اوربی جے پی جب سے مرکز میں برسراقتدار آئی ہے تلنگانہ ریاست کے ساتھ ناانصافی کررہی ہے۔