اندرا گاندھی نے میرے والد کو جیل بھیجاتھا ،میں بھی جیل جانے سے نہیں ڈرتا: فڈنویس

ممبئی 14 مارچ (یو این آئی )فون ٹیپنگ معاملے میں مہاراشٹر اسمبلی میں اپوزیشن لیڈر دیویندر فڈنویس سے پوچھ گچھ کا معاملہ آج اسمبلی میں اس وقت گونجاجب بی جے پی کے سدھیر منگنٹیوار اور آشیش شیلار نے تحریک التواء کے ذریعہ یہ مسئلہ اٹھایا اور کہا کہ پوچھ گچھ کرنے والے افسران نے



استحقاق کی خلاف ورزی کی ہے اس لئے ان کے خلاف کارروائی کی جانی چاہئے-

ساتھ ہی دیویندر فڈنویس نے بھی حکومت پر تنقید کی، انہوں نے کہا کہ میرے والد کو اندرا گاندھی نے بغیر کسی جرم کے دو سال اور چچا کو 18 ماہ تک جیل میں رکھاتھا،لیکن میں جیل جانے سے نہیں ڈرتا اور کرپشن کیسز کو بے نقاب کرتا رہوں گا۔