یوکرین میں ہندوستانیوں کوخارخیو شہرکو فوری طور پرچھوڑنے کا مشورہ

نئی دہلی ، 2 مارچ (یو این آئی) یوکرین پرروسی افواج کے حملے کی وجہ سے حالات خراب ہونے کے درمیان کیؤ میں ہندوستان کے سفارت خانے نے خارخیو شہر میں رہ رہےتمام ہندوستانیوں کو فوری طور پر نکلنے اور نزدیکی تین بستیوں میں پہنچنے کا مشورہ دیا ہے  بدھ کو جاری کردہ ایک دوسری ایڈوائزری میں کہا ہے کہ خارخیو شہررہ رہے ہندوستانیوں کو وہاں کی بگڑتی صورتحال کو مدِ نظر



رکھتے ہوئے اپنی حفاظت کے لئےاس شہر کو فوری طور پر چھوڑنا چاہئے ۔

ایڈوائزری میں انہیں اپنی سلامتی کے لئے خارخیو چھوڑ کر جلد از جلد ’پیشوچن، بابائی اور بیزلیودیوکا‘ نامی جگہوں پر پہنچنے کا مشورہ دیا گیا ہے۔

سفارتخانے نے کہا ہے کہ جو ہندوستانی طلباء کسی بھی گاڑی کا انتظام نہیں کر پارہے ہیں، انہیں بس یا ٹرین نہیں مل رہی، وہ اپنی حفاظت کے لیے پیدل ہی وہاں پہنچے۔