سرحدوں پر صورت حال بدلنے کی کوشش کا منہ توڑ جواب دے گا ہندوستان : راج ناتھ

ییلہانکا،بنگلورو،3 فروری(یواین آئی) وزیر دفاع راج ناتھ سنگھ نے آج چین کا نام لئے بغیر کہا کہ ہندوستان سرحدوں پر صورت حال میں یک طرفہ تبدیلی کرنے کی کوششوں کو کسی حال میں کامیابی نہیں ہونے دےگا اور فوجیں ملک کی سالمیت اور اتحاد کی ہر قیمت پر حفاظت کرنے کےلئے تیار ہیں مسٹر سنگھ نے بدھ کو یہاں ایشیا کے سب سے بڑے ایئر شور ایئرو انڈیا کا باقاعدہ



افتتاح کرنے کے موقع پر کہا کہ ہندوستان کو کئی محاذ پر ایک ساتھ چیلنجوں کا سامنا کرنا پڑ رہا ہے۔

ایک طرف سرحد پار سے دہشت گردوں کی ناپاک کوششیں جاری ہیں تو دوسری طرف جہاں سرحدوں کا تعین نہیں ہوا ہے وہاں انہیں بدلنے کی یک طرفہ کوشش کی جارہی ہے ۔

انہوں نے کہا،’’ہم نے لمبے وقت سے افواج کی طاقت کے دم پر متنازع سرحدوں میں تبدیلی کرنے کی کوششوں کو دیکھا ہے۔