ہندوستان، ویتنام نے جامع اسٹریٹجک شراکت داری کا روڈ میپ طے کیا

نئی دہلی، یکم اگست (یو این آئی) ہندوستان اور ویتنام نے ہند-بحرالکاہل خطے کو مرکز میں رکھتے ہوئے اپنی جامع اسٹریٹجک شراکت داری کے نفاذ کے لیے اگلے پانچ سالہ روڈ میپ پر جمعرات کو مہر لگائی اورتوانائی، زراعت، ثقافت، اسٹارٹ اپس، سبز معیشت اور ابھرتی ہوئی



ٹیکنالوجی کے شعبے میں تعاون کے نئے مواقع کھولنے اورسیاحت سمیت عوام سے عوام کے تبادلے کو بڑھانے کے عزم کا اظہار کیا وزیر اعظم نریندر مودی اور ویتنام کے وزیر اعظم فام منگ چنگ کے درمیان یہاں حیدرآباد ہاؤس میں وفود کی سطح کی دو طرفہ سربراہی میٹنگ میں مذکورہ بالا فیصلے لیے گئے۔