ہندوستان اور جاپان میں بدھ مت کی مشترکہ وراثت ہے جو دونوں ممالک کے شہریوں کو باندھتی ہے: لوک سبھا اسپیکر

نئی دہلی یکم اگست (یو این آئی) لوک سبھا کے اسپیکر اوم برلا نے آج پارلیمنٹ ہاؤس کمپلیکس میں جاپان کے ایوان نمائندگان کے اسپیکر نوکاگا فوکوشیرو کے ساتھ ملاقات کی  جاپانی پارلیمانی وفد ہندوستان کے پانچ روزہ دورے پر ہے لوک سبھا اسپیکر نے جاپانی پارلیمانی وفد کا پرتپاک استقبال کیا اس موقع پر مسٹر برلا نے خواتین کو



بااختیار بنانے کے تئیں ہندوستانی پارلیمنٹ کے عزم کا تذکرہ کرتے ہوئے مسٹر فوکوشیرو کو بتایا کہ نئے پارلیمنٹ ہاؤس کے پہلے اجلاس میں ناری شکتی وندن ایکٹ سمیت کئی اہم بل منظور کیے گئے تھے  بجٹ سیشن کو سب سے اہم سیشن بتاتے ہوئے مسٹر برلا نے ہندوستان کی بڑھتی ہوئی اقتصادی پیش رفت کا ذکر کیا اور بتایا کہ ہندوستان کس طرح ہر میدان میں ترقی کر رہا ہے۔