حلقہ اسمبلی نامپلی میں صدر مجلس کے ہاتھوں ترقیاتی کاموں کا افتتاح

صدر کل ہند مجلس اتحاد المسلمین و رکن پارلیمنٹ حیدرآباد بیرسٹر اسدالدین اویسی نے پارلیمنی حلقہ حیدرآباد کے تحت بلدی ڈویژن نامپلی میں ترقیاتی کاموں کا افتتاح کیا جسکی کل تخمینہ لاگت 76.23 کروڑ روپے تھی.

صدر مجلس نے اپنے دورہ کا آغاز علاقے جھروہ میں واقع رائل سی ہوٹل سے کیا، اور وہاں سے مختلف وارڈس میں پیدل دورہ کیا اور ترقیاتی کاموں کا افتتاح کیا- مقامی



عوام نے صدر مجلس کا والہانہ استقبال کیا اور اپنی محبتوں کا اظہار کیا، جگہ جگہ صدر مجلس کی گلپوشی کی گئی-

مجلس کے نامپلی حلقہ سے رکن اسمبلی جعفر حسین معراج نے صدر مجلس کو تکمیل شدہ کاموں سے واقف کروایا، محمد ماجد حسین سابق میئر حیدرآباد و کارپوریٹر مہدی پٹنم کے علاوہ حلقہ نامپلی سے تعلق رکھنے والے مختلف ڈیویژن کے کارپوریٹرس اورعوام کی کثیر تعداد اس دورہ میں موجود تھی-