بہار میں کورونا کے 74 نئے معاملے ، کل متاثرین کی تعداد ہوئی 6736

پٹنہ 16 جون ( یواین آئی ) بہار کے پچیس اضلاع میں 17 خواتین سمیت 74 افراد کے کوڈ 19 کا شکار ہونے سے ریاست میں کل کورونا متاثرین کی تعداد بڑھ کر 6736 ہوگئی ہے ۔

محکمہ صحت نے منگل دوپہر کو یہاں بتایاکہ سموار دیر رات کی جاری جانچ رپورٹ میں بیگو سرائے ضلع میں 10 ، بھاگلپور میں نو ، ارول اور سمستی پور میں آٹھ ۔ آٹھ ، بھوجپور میں پانچ ، پٹنہ میں چار ، کھگڑیا ، کشن گنج اور نوادہ میں تین ۔ تین ، جہان آباد ، مظفر پور ، نالندہ ، رہتاس اور سپول میں دو۔ دو اور اورنگ آباد ، بانکا ، دربھنگہ ، کیمور ، کٹیہار



، لکھی سرائے ، مونگیر ، پورنیہ ، شیوہر ، ویشالی او ر مغربی چمپارن میں ایک ۔ ایک سمیت 74 لوگوں کے پازیٹیو ہونے کی تصدیق ہونے سے ریاست میں کل متاثرین کی تعداد بڑھ کر 6736 ہوگئی ہے۔

محکمہ کے مطابق متاثرین میں سے زیادہ تر دوسری ریاستوں سے آئے ہوئے لوگ ہیں ، جنہیں اسکریننگ کے بعد بلاک سطحی قرنطینہ سینٹر میں رکھا گیا اور یہیں سے ان کے سیمپل کو جانچ کیلئے بھیجا گیا تھا۔

متاثرین کے رابطے میں آئے لوگوں کو الگ کر دیا گیا ہے۔ ہوم قرنطینہ میں رہ رہے باہر سے آئے لوگوں کا گھر ۔ گھر سروے کیاجارہاہے ۔