سیاست میں ہر مظلوم کے حقوق کی جنگ اور اقلیتوں کی آواز اٹھانے آیا ہوں۔عمران پرتاپگڑھی

نئی دہلی، 25 اکتوبر (یو این آئی) ملک میں اقلیتوں کی آواز اٹھانے پر زور دیتے ہوئے آل انڈیا کانگریس کمیٹی ا شعبہ ا قلیت کے قومی صدر عمران پرتاپ گڑھی نے کہا کہ میں سیاست میں آپ کی آواز اٹھانے آیا ہوں میں ہر مظلوم کے حقوق کی جنگ لڑنے آیا ہوں، مجھے فخر ہے کہ آج میں برسا منڈا کی سرزمین پر کھڑا ہوں یہ بات انہوں نے رانچی کے گاندھی میدان میں جھارکھنڈ کانگریس کمیٹی کی جانب سے منعقدہ ’اقلیتی حقوق کانفرنس‘ میں بطور مہمان خصوصی شرکت کرتے ہوئے کہی۔

انہوں نے کہاکہ مجھے فخر ہے کہ میں اس سرزمین پر ہوں



جہاں مولانا ابوالکلام آزاد نے اپنی زندگی کے 3 سال سے زیادہ گزرے لیکن جب میں اسی گراؤنڈ سے تبریز انصاری اور منہاج انصاری کی چیخیں سنتا ہوں تو میرا سر شرم سے جھک جاتا ہے۔انہوں نے کہاکہ جب میں جامعہ میں ایک پروگرام میں بیٹھا تھاتوپتہ چلا کہ جھارکھنڈ میں تبریز انصاری انصاری کو کس طرح ماب لنچنگ کرکے قتل کیا گیا تھا، اس وقت بھی میں کسی کو بتائے بغیر جھارکھنڈ آیا تھا اور تبریز کے خاندان سے ملاقات کی تھی کیوں کہ میرا رشتہ جھارکھنڈ سے بہت پرانا ہے، لیکن آج میں آپ کے درمیان سیاسی مسائل کو لیکر یہاں پر آیا ہوں۔