حیدرآباد میں میلاد جلوس کے دوران سینکڑوں افراد موبائل فون سے محروم

حیدرآباد، 2 اکتوبر (ذرائع) شہر حیدرآباد میں میلاد النبی کی تقریب کے جلوسوں کے دوران متعدد افراد اپنے موبائل فون سے محروم ہوگئے۔

گنیش تہوار اور میلاد ایک ہی روز آنے کی وجہ سے میلاد جلوس اتوار کے روز شہر کی سڑکوں سے گذرا- سٹی پولیس اسٹیشن میں موبائل فون کے گم ہونے یا چوری ہونے کی شکایت ملی- 

سب سے زیادہ چارمینار پولیس اسٹیشن کے علاقے سے شکایت ملی، جس میں مکہ مسجد، چارمینار یادگار، لاڈ بازار اور آس پاس



کے علاقے شامل ہیں۔ 

ایک اندازے کے مطابق چارمینار، یاقوت پورہ روڈ، عالیجاہ کوٹلہ، میرعالم منڈی، اور شاہ علی بنڈہ کے علاقوں میں جہاں نوجوانوں کا بڑا اجتماع دیکھنے میں آیا، تقریباً 100 لوگوں کے موبائل فون گم ہوئے-

سادہ کپڑوں میں ملبوس پولیس افسران نے جیب تراش گروہوں پر نظر رکھی، لیکن کسی بڑے گینگ کی شناخت یا گرفتاری عمل میں نہیں آئی۔ جن افراد کا موبائل فون گم ہو گئے ہیں انہیں بلاک کرنے کے لیے "https://www.ceir.gov.in" ملاحظہ کریں۔