چنئی میں اگلے 24 گھنٹے تک بھاری بارش کا الرٹ، اسکول کالج بند

تمل ناڈو/31اکتوبر(ایجنسی) تمل ناڈو کے دارالحکومت چنئی میں مسلسل ہو رہی بارش سے ایک بار پھر 2015 کے بعد سیلاب کا خطرہ منڈلا رہا ہے. تمل ناڈو حکومت نے محکمہ موسمیات کی وارننگ کے بعد چنئی، کانچی ورم، تروولور اضلاع میں اسکولوں اور کالجوں کو بند کرنے کا حکم دیا ہے. محکمہ موسمیات نے اگلے 24 گھنٹے تک بھاری بارش کا خدشہ کا ظاہر کیا ہے.

تعلیمی اداروں کو بند کرنے کا حکم ایجوکیشن



ڈپارٹمنٹ نے محکمہ موسمیات کی اس اطلاع کے بعد لیا، جس میں کہا گیا ہے کہ جمعہ سے پہلے بارش رکنے کا امکان کم ہے.

اس سے پہلے پیر کو طوفانی ہواؤں کے ساتھ ہوئی 8 ملی میٹر بارش کی وجہ سے علاقے میں سیلاب کا خدشہ پیدا ہو گیا ہے. چنئی میں 35 سے 55 کلو میٹر فی گھنٹہ کی رفتار سے ہوائیں چلیں. پڈوچیری اور مضافات میں بھاری بارش ہوئی. اس سے نچلے علاقوں میں پانی بھر گیا ہے اور بہت سے جگہ پیر کو ٹریفک جام رہی.