مختارانصاری کی اہلیہ کی درخواست پر جمعہ کو سماعت

نئی دہلی 7 اپریل (یواین آئی) سپریم کورٹ بہوجن سماج پارٹی کے ایم ایل اے مختارانصاری کی اہلیہ افشاں انصاری کی درخواست پر جمعہ کو سماعت کرے گی۔

افشاں انصاری کی درخواست جسٹس اشوک بھوشن اورجج آرسبھاش ریڈی کی بنچ کے سامنے جمعہ کو سماعت کے لئے درج ہے۔

افشاں انصاری نے اپنی درخواست میں سرکاری افسران کو یہ یقنی بنانے کے لئے ہدایات دینے کا مطالبہ کیا ہے کہ ان کے شوہر کی زندگی محفوظ رہے اوراترپردیش میں تمام معاملات کی سماعت کے دوران آئین کے آرٹیکل 21 کے تحت ان کے حقوق کا تحفظ کیا



جائے۔

قابل ذکر ہے کہ گزشتہ 26 مارچ کو سپریم کورٹ نے مختارانصاری کو پنجاب کی جیل سے اترپردیش کی جیل میں لے جانے کی ہدایت دی تھی۔ وہ ایک مبینہ جبراًوصولی معاملے میں جنوری 2019 سے پنجاب کی جیل میں قید تھے۔

درخواست گزار کا کہنا ہے کہ اترپردیش میں جسمانی طور سے مقدمے میں شامل ہونے کے دوران ان کے شوہرکی زندگی مسلسل خطرے میں رہنے کا خدشہ ہے، ایسی حالت میں سب سے زیادہ ضروری یہ ہے کہ جب مختارانصاری کو ایک جیل سے دوسرے جیل میں منتقل کیا جائے یااترپردیش میں عدالت کے سامنے پیش کیا جائے تو، پوری قانونی کارروائی ہونی چاہیے۔