حکومتوں کو مہاجر مزدوروں کی کوئی فکر نہیں: مایاوتی

نئی دہلی 28 مئی (یواین آئی) مرکزی اور ریاستی حکومتوں پر مہاجر مزدوروں کو نظرانداز کرنے کا الزام عائد کرتے ہوئے ، بہوجن سماج پارٹی کی صدر مایاوتی نے جمعرات کے روز کہا کہ اس سلسلے میں عدالتوں کا جواب طلب کرنا اطمینان بخش ہے۔

محترمہ مایاوتی نے ٹویٹ میں کہا ہے کہ میڈیا نے جس طرح تارکین وطن مزدوروں کے درد اور تکلیف کا مظاہرہ کیا ہے ، مرکزی اور ریاستی حکومتوں نے اس طرف توجہ نہیں دی ہے۔ یہ سلسلے میں عدالتوں کا جواب طلب کرنا اطمینان بخش ہے ۔

بی ایس پی رہنما نے کہا ، ’’جس طرح سے لاک ڈاؤن کے دوران پریشانیوں کو جھیلتے ہوئے گھرواپسی کےلئے مجبور مہاجر کارکنوں کی بدحالی اور راستے میں ان کی اموات ، وغیرہ کڑوے سچ میڈیا کے



توسط سے ملک اور دنیا کے سامنے ہیں ، یہ واضح ہوجاتا ہے کہ مرکزاور ریاستی حکومتوں کو ان کی بالکل بھی فکر نہیں ہے، یہ انتہائی افسوسناک ہے۔ ‘‘

محترمہ مایاوتی نے کہا کہ آج ملک میں لاک ڈاؤن کے 65 ویں دن ، یہ کچھ راحت کی بات ہے کہ معزز عدالتوں نے کورونا وائرس کی تحقیق اور علاج ، سرکاری اسپتالوں کی بدحالی، نجی اسپتالوں کو نظرانداز کرنا اور مہاجر مزدوروں کی بڑھتی ہوئی حالت زار اوراموات کے سلسلے میں مرکزاور ریاستی حکومتوں سے سوال اور جواب شروع کردئے ہیں۔ ‘‘

قبل ازیں ، انہوں نے کہا تھا کہ مرکز اور مہاراشٹرحکومت کے مابین تنازعہ کی وجہ سے لاکھوں تارکین وطن مزدور بہت بری طرح سے دوچار ہیں ، جو انتہائی افسوسناک اور بدقسمتی کی بات ہے۔