حکومت کی اپوزیشن کو تقسیم کرنے کی سازش ناکام ہوگی: کھڑگے

نئی دہلی، 20دسمبر (یو این آئی) راجیہ سبھا میں اپوزیشن کے لیڈر ملک ارجن کھڑگے نے کہاکہ حکومت اپوزیشن اراکین پارلیمان کی معطلی معاملے میں بات چیت کے بہانے اپوزیشن کو تقسیم کرنے کی کوشش کررہی ہے لیکن اپوزیشن جماعتیں متحد ہیں اور وہ حکومت کے جھانسہ میں آنے والی نہیں ہیں مسٹر کھڑگے نے کہاکہ تمام اپوزیشن جماعتوں کے لیڈروں کی صبح پارلیمنٹ ہاوس میں اس سلسلہ میں حکمت عملی بنانے کے لئے میٹنگ ہوئی جس میں



اتفاق رائے سے فیصلہ کیا گیا کہ حکومت اپوزیشن کے اتحاد کو توڑنا چاہتی ہے اور اسے اس چال میں کامیاب نہیں ہونے دیا جائے گا۔

انہوں نے کہاکہ اپوزیشن کی 16جماعتیں متحد ہیں تو حکوت کی طرف سے صرف چھ جماعتوں کے لیڈروں کو بات چیت کے لئے مدعو کیا جانا اس کی چال ہے۔ان کا کہنا تھا کہ تمام اپوزیشن جماعتوں کو بلایا جانا چاہئے تھا لیکن کچھ ہی پارٹیوں کو اس سوچ کے ساتھ بلایا گیا ہے کہ تاکہ اپوزیشن میں پھوٹ ڈالی جاسکے۔