حکومت ٹیسٹنگ آلات کی خریداری میں احتیاط کا مظاہرہ کرے:مایاوتی

لکھنؤ:28اپریل(یواین آئی)بہوجن سماج پارٹی(بی ایس پی)سپریمو مایاوتی نے مرکزی حکومت سے جانچ سے وابستہ ٹیسٹنگ آلات کے خریداری میں احتیاط برتنے کا مشورہ دیتے ہوئے کہا کہ کورونا وبا سے لڑائی کسی بھی طرح سے کمزور نہیں پڑنی چاہئے۔

بی ایس پی سپریمو نے اپنے ٹوئٹ میں لکھا کہ" جیسا کہ معلوم ہے کہ مرکز میں کانگریس کے میعاد کار میں ہوئے دہلی کامن ویلتھ گیمس کی تیاری میں خاص کا بیرون ممالک سے درآمد کئے گئے سامانوں میں کافی



بدعنوانی ہوئی تھی ساتھ ہی غریب دلتوں کے فلاح کے لئے اسپیشل کمپوننٹ پلان کا بھی پیسہ ڈائیورٹ کر کے اسی پر غیر موزوں طور سے خرچ کردیا گیا تھا"۔

انہوں نے لکھا کہ"لہذا مرکز کی موجودہ بی جے پی حکومت کو بھی اس سے سبق لیتے ہوئےکورونا بیماری کی خصوصی جانچ سے وابستہ ٹیسٹنگ آلات وغیرہ کو بیرون ممالک سے درآمد کرتے ہوئے ضروری احتیاط کا مظاہرہ کرنا چاہئے تاکہ وبا سے لڑائی کسی بھی طرح سے کمزور نہ پڑے، بی ایس پی کی یہ مطالبہ بھی ہے اور اپیل بھی۔