حکومت کھاد سے سالانہ 20 ہزارکروڑ لوٹ رہی ہے: کانگریس

نئی دہلی،19 مئی (یواین آئی) کانگریس نے الزام لگایا ہے کہ مودی سرکار نے کھاد کی قیمتیں بڑھا کر کسانوں پر 20 ہزار کروڑ روپے کا اضافی بوجھ ڈال دیا ہے ، جس سے ظاہر ہوتا ہے کہ بھارتیہ جنتا پارٹی کی حکومت کسان مخالف ہے کانگریس کے شعبہ مواصلات کے سربراہ رندیپ سنگھ سرجے والا نے بدھ کے روز یہاں ایک خصوصی پریس کانفرنس میں کہا کہ حکومت نے آفات کی گھڑی میں کھاد کی قیمتوں میں 20 ہزار کروڑ روپے اضافہ کرکے محنت کش کسانوں



سے لوٹ مار کی ہے اور وہ زراعت کو برباد کرنے پر تلی ہوئی ہے۔

انہوں نے کہا کہ زرعی آبادی کی مردم شماری کے مطابق ملک میں 14.64 کروڑ کسان ہیں جو تقریبا 15 15.78 کروڑ ایکڑ پر کاشت کرتے ہیں۔ گزشتہ 6،5 برسوں میں مودی سرکار نے کسانوں پر پہلے 15000 روپے فی ہیکٹر کا بوجھ ڈال کر زرعی مصنوعات میں استعمال ہونے والی ہر چیز کی قیمتوں میں اضافہ کیا اور اب کورونا کے بحران میں ، ڈی اے پی سمیت دیگر کھادوں کی قیمتیں کسان کی کمر توڑ رہی ہے۔