حکومت نے بنیادی ضرورتوں تک ہر کنبے کی پہنچ پر زور دیا

نئی دہلی،29 جنوری (یواین آئی) وزیر خزانہ نرملا سیتارمن نے رہائش،پانی،صاف صفائی ،بجلی اور رسوئی ایندھن جیسی بنیادی ضروریات تک کنبوں کے ہر رکن کی پہنچ اور اس کے اہمیت پر زور دیا ہے۔

پارلیمنٹ میں جمعہ کوک اقتصادی سروے ،21-2020 پیش کرتے ہوئے وزیر خزانہ نے کہا کہ کھانا،کپڑا،پناہ ،پانی اور صاف صفائی جیسی بنیادی ضرورتوں کی کم از کم مقدار پر توجہ مرکوز



کرتے ہوئے اقتصادی ترقی تک پہنچ بنائی جاتی ہے جو خراب صحت اور تغذیہ کی کمی کو روکنے کےلئے ضروری ہیں۔

انہوں نے کہا کہ بنیادی ضروریات انڈیکس (بی این آئی) کو ہندوستان میں پینے کا پانی، صاف صفائی،صحت اور رہائش کے حالات پر 69 ویں اور 76 ویں این ایس او سے حاصل اعدادو شمار کا استعمال کرتے ہوئے سال 2012 اور 2018 کا موازنہ کرتے ہوئے سبھی ریاستوں کےلئے تیار کیا گیا ہے۔