عالمی جدوجہد کی وجہ سے بن سکتا ہے پانی کا بحران:کووند

نئی دہلی،29 مارچ (یواین آئی)صدر جمہوریہ رام ناتھ کووند نے کہا کہ پانی کا بحران دنیا کے لئے سب سے بڑا بحران بن کر رفتہ رفتہ بھیانک شکل لے رہا ہے اور آنے والے وقت میں عالمی جدوجہد کی بڑی وجہ بن سکتا ہے اس لئے بر وقت اس سمت میں پختہ قدم اٹھائے جانے کی سخت ضرورت ہے۔

مسٹر کووند نے منگل کو یہاں تیسرے نیشنل واٹر ایوارڈز کی تقریب میں جل شکتی مہم



‘کیچ دی رین مہم 2022‘‘ کی شروعات کرتے ہوئے کہا کہ جو حالات پیدا ہورہے ہیں ان کے پیش نظر کچھ دفاعی ماہرین نے تو یہاں تک کہہ دیا ہے کہ مستقبل میں یہ بین الاقوامی جدوجہد کی اہم وجہ بن سکتا ہے۔انہوں نے کہا کہ انسانیت کو ایسے مشکل حالات سے بچانے کےلئے محتاط رہنے اور بروقت قدم اٹھانے کی ضرورت ہے اور اس بات پر خوشی ظاہر کی کہ ہندوستان اس سمت میں موثر قدم اٹھارہا ہے۔