کشمیرمیں تازہ برف و باراں،9 مارچ تک موسم خراب رہنے کا امکان

سری نگر،7 مارچ (یو این آئی) محکمہ موسمیات کی پیش گوئی کے عین مطابق وادی کشمیر میں دوران شب ہی برف وباراں سلسلہ شروع ہوا اورمشہور سیاحتی مقام گلمرگ میں پیر کی صبح تک پانچ سینٹی میٹر تازہ برف جمع ہوئی تھی ادھر متعلقہ محکمے کے ایک ترجمان کی پیش وادی کشمیر میں اگلے چوبیس گھنٹوں کے دوران بالائی علاقوں میں ہلکی برف باری جبکہ میدانی علاقوں میں بارشیں متوقع ہیں انہوں نے کہا کہ وادی



میں آٹھ مارچ کو موسم خشک رہ سکتا ہے تاہم نو مارچ کو موسم ایک بار پھر خراب ہونے کی توقع ہے۔

موصوف ترجمان کا کہنا تھا کہ اس کے بعد وادی میں موسم خشک رہنے کا امکان ہے۔

انہوں نے کہا کہ وادی کے مشہور سیاحتی مقام گلمرگ میں پیر کی صبح تک پانچ سینٹی میٹر تازہ برف جمع ہوئی تھی جبکہ گریز اور زوجیلا میں بھی تازہ برف باری ہوئی ہے جبکہ سری نگر سمیت میدانی علاقوں میں بارشوں کا سلسلہ جاری ہے۔