امبیڈکر کلچرل سنٹر کی سنگ بنیاد بی جے پی کاچھلاوا:مایاوتی

لکھنو:29جون(یواین آئی) اترپردیش کی راجدھانی لکھنو میں بھارت رتن ڈاکٹر بھیم راو امبیڈکر اسمارک ایند کلچر ل سنٹرل کے سنگ بنیاد کو برسر اقتدار بی جے پی حکومت کی ناٹک بازی قرار دیتے ہوئے بی ایس پی سپریمو مایاوتی نے کہاکہ دلتوں اور پچھڑوں کا حق مارنے اوار مظالم کرنے میں بی جے پی اور کانگریس دونوں ایک جیسے ہی ہیں۔

محترمہ مایاوتی نے منگل کو ایک کے بعد ایک لگاتار چار ٹوئٹ کر کے بی جے پی حکومت پر حملے کئے۔ انہوں نے کہا کہ بابا صاحب ڈاکٹر بھیم راو امبیڈکر و ان کے کروڑوں استحصال زدہ



متاثرین پیروکاروں کا پورے دوران اقتدار نظر انداز و استحصال کرتے رہنے کے بعد اب اسمبلی انتخابات کے نزدیک یوپی بی جے پی حکومت کے ذریعہ بابا صاحب کے نام پر کلچرل سنٹر کا سنگ بنیاد رکھنا یہ سب کھلا چھلاوا نہیں تو کیا ہے۔

انہوں نے کہا کہ’’ بی ایس پی بابا صاحب ڈاکٹر امبیدکر کے نام پر کوئی مرکز وغیرہ بنانے کے خلاف نہیں ہے۔ لیکن اب انتخابی مفاد کے لئے یہ سب کرنا سخت چھلاوا ہے۔ یوپی حکومت اگر یہ کام پہلے کرلیتی تو صدر جمہوریہ آج اس سنٹر کا سنگ بنیاد نہیں بلکہ افتتاح کر رہے ہوتے تو یہ بہتر ہوتا۔