سیاست کا چانکیہ کہے جانے والے سابق مرکزی وزیر پنڈت سکھ رام کا انتقال

نئی دہلی/شملہ، 11 مئی (یو این آئی) سابق مرکزی وزیر پنڈت سکھ رام کا کل رات دل کا دورہ پڑنے سے آل انڈیا انسٹی ٹیوٹ آف میڈیکل سائنسز دہلی میں انتقال ہوگیا پنڈت سکھرام کی عمر 95 سال تھی ہماچل پردیش کے سابق وزیر اور منڈی صدر کے ایم ایل اے انیل شرما نے بدھ کو یہاں کہاکہ میں آپ سب کو انتہائی دکھی دل کے ساتھ مطلع کر رہا ہوں، ہم سب کے پیارے پنڈت سکھرام جی اس دنیا میں نہیں رہے۔ دہلی کے ایمس میں کل رات تقریباً ایک بجے انہیں دوبارہ دل



کا دورہ پڑا، جس کے بعد ان کا انتقال ہوگیا۔ ,

انہوں نے بتایا کہ پنڈت سکھ رام کے جسد خاکی کو آج سڑک کے ذریعے دہلی سے منڈی لایا جائے گا۔ کل صبح 11 بجے سیری منچ میں آخری درشن کرائےجائیں گے اور اس کے بعد ان کی آخری رسومات ادا کی جائیں گی۔ انہوں نے کہا کہ پنڈت سکھ رام کی موت سے نہ صرف ہمارے خاندان بلکہ منڈی صدر اور پوری ریاست کو بہت بڑا نقصان پہنچا ہے۔ انہیں مواصلاتی انقلاب کا مسیحا اور ہماچل پردیش کی سیاست کا چانکیا کہا جاتا تھا۔